Багахангай дүүргийн Хүүхэд, гэр бүлийн хөгжил, хамгааллын хэлтсээс Монголын хүүхдийн зөвлөлтэй хамтран “Сайн дурын үйл ажиллагаа манлайллын эхлэл” сургалтыг дүүргийн Соёлын ордонд 130 хүүхдэд зохион байгууллаа. Тус үйл ажиллагаанд Монголын хүүхдийн зөвлөлийн зөвлөх багш А.Соёлоо, Зөвлөх сургагч багш М.Бэхбат нар чиглүүлэгч багшаар ажиллаж , 94-р сургуулийн 75 сурагч, 91-р сургуулийн 55 сурагч хамрагдлаа. Нөлөөллийн ажлын арга зүйд суралцах, хүүхдийн оролцооны байгууллагын үйл ажиллагаанд идэвхтэй оролцох, талаар сурагчдад ойлголт мэдээллийг бүрэн олгосон. Идэвхтэй оролцсон сурагчиддаа баярлалаа .#Оролцоодхөгжье

Хүүхдийн чуулганаас гарсан санал санаачилгын хэрэгжилтийг танилцуулах, үнэлэх, хүүхдийн оролцоог нэмэгдүүлэх, холбогдох байгууллагуудын хамтын ажиллагааг сайжруулах зорилгоор Хүүхдэд хариулах өдөр арга хэмжээ зохион байгуулагдлаа. Тус үйл ажиллагаанд Багахангай дүүргийн Засаг дарга А.Сүхболд, Засаг даргын орлогч Х.Цогцэцэг, ЗДТГ-ын Нийгмийн хөгжлийн хэлтсийн дарга Б.Цогжавхлан, Багахангай Тохижилт ОНӨААТҮГ-ын захирал Б.Гэрэлмаа, 94-р сургуулийн захирал Болормаа, Биеийн тамир Спорт хорооны дарга Г.Тэмүүлэн болон Соёлын ордон, 91-р сургуулийн нийгмийн ажилтан, багш нар болон бусад албаны хүмүүс оролцож Хүүхдийн чуулганаас гарсан 51 саналын дагуу хэрэгжилтийн тайланг танилцуулсан. Мөн ХӨУБ-ын дунд зохион байгуулсан төслийн уралдаанд шалгарсан төслүүдийн тайлан болон ажлын явцтай танилцаж, үйл ажиллагаа нь идэвхтэй явагдаж буй төслүүдэд Хүүхэд, гэр бүлийн хөгжил хамгааллын хэлтсийн дарга Д.Оюунгэрэл нэмэлт санхүүжилт олгохоор шийдвэрлэж, хүүхдүүдэд амжилт хүслээ.